مجلة إنها كلماتى أنا. الالكترونية الادبية

الاثنين، 26 سبتمبر 2016

لا شيء يُسعدها طارق حسن Tarek Hassan

لا شيء يُسعدها

أكثر........ من

سعيك وراءها

سواء كنت

زوجها

أو عشيقها

عليك أن

تدور حولها

شمسكَ

تحتاجُ

نورها و دفئها

.................

طارق حسن

Tarek Hassan

الأحد، 25 سبتمبر 2016

♥ صحيت م النوم بقلم / ♥ سعيد عبد القادر السيد

♥ الأحد : 25/9/2016 ♥
♥ سعيد عبد القادر السيد ♥
♥ عاميه ♥
♥ 25/9/1986 ♥
♥ صحيت م النوم ♥

صحيت أنا م النوم
لقيت تاريخ اليوم
هو تاريخ ميلادك
يا حلو يا سيد القوم
قلت أكتب أيه
أنا و اهنيك
مهما قلت يا بيه
الشعر ما يوفيك
حبك جوه قلوبنا
إلاهي ربنا يخليك
تكتب و تقول أيه
فكر يا سعيد
ده ميلاد البيه
البكري السعيد
قلت ما فيش أجمل
ادعي له بعمر مديد
كل سنه وانت
طيب يا ابن سعيد
عقبال ميت سنه
فرح و عمر جديد

♥♥♥ بقلبي
سعيد عبد القادر السيد
شاعر ال ش و ال ش
الشرابيه و الشرقيه
القاهره / أبو حماد

سأضع ♡ قلبى خواطر_نبيلة_محمود_خليل

سأضع ♡ قلبى ♡ بين يدى من أثق فيه
وفى هذه الحالة لا أخفى عنه شيئا من أسرارى
أما إذا وجدته لا يستحق فلا أخبره بشئ ولو عذبني بالنار
هذه هى طبيعتى ☆☆ فأنا ذكية ☆
وخفيفة الظل ☆وجذابة !
لا أقع فى وكر الغرام .. لقد لفت نظرى شاب غريب ♧
أشعر كأنه لص .. يلقى بنظراته الساحرة
لعلى افتح له قلبى ♡♡ عندما يتحدث افحصه بنظراتى
وهو أيضا يفحصنى .. ولا أستطيع أن أصدر حكما سليما
إلا إذا شعرت باتجاهه بشى من العاطفه ♡♡
وعرض عليه عواطفه بأسلوب عملى هاديء
ظل احساسى به يزداد ♡♡
حتى بدأت أشعر باتجاهه بحب عنيف كنت أبحث عنه
فمن حقى أن استمتع بالحياة ♡♡
ولا بد أن أنسى مرارة الوحدة
فهو فارس احلامى يحملني على جواد ابيض
إلى عالم الحب .. فلن أقامه كثيرا ♡♡

#خواطر_نبيلة_محمود_خليل

رباعيات الأحزان (( الحب مش حبيب )) ( للحزن في قلبي مكان ) الحب مش حبيب ..كلمات الصدق فارس الليل الحزين محمد عطية محمد

‏محمد عطية محمد‏ إلى رباعيات الأحزان ((كلمات الصدق )) فارس الليل الحزين

‏4‏ ساعات

رباعيات الأحزان (( الحب مش حبيب ))
( للحزن في قلبي مكان )

الحب مش حبيب .. . .. . .. يهجرني ويبعني

يجرح ويقول نصيب .. . .. . .. ويسبني ويفوتني

الحب انسان حببني .. . .. . .. عاشق بيخاف عليه

من نظره يكون فهمني .. . .. . .. وقلبه يحس اللي بيه

ده الشوق ملاني جراح .. .. .. ليل الهوي رواح

وان كان علي الصبر هصبر .. . .. . .. و هلملم في اللي راح

كلمات الصدق
فارس الليل الحزين
محمد عطية محمد
16/6/2016

مات الضمير بقلم / رامز عيد

مات الضمير

شبعنا ألم و عذاب و مبايعة انسان
ولاد الارض والعز لأجلها ماتوا
مات الضمير الحي واستشهد الوجدان
صرنا يتامى طفال ل بترابها باتوا

دفنا الفرح والمجد بمدفن الاوطان
حكام باعوا الناس بجيوبها فاتوا
سرقوا خمير العيش والفرن والفران
باعوا الوفا بالدَين و المعجن بذاتو

امّات تبكي روح و الابن جيعان
مشرّد يتم القوت و الفزع حاطو
لا عاد بيتو الو ولا دفوة الاحضان
ضايع مرير العيش بردان جواتو

ياعقول يكفي جمود والقلب صوان
اخسرنا الارض والناس يبسان بنباتو
صوت العويل جنون بعقولنا رنان
عودوا لضمير الخير وبالوعي تعاطوا

رامز عيد
٢٥/٠٩/٢٠١٦

(علشانك ياقمر)بقلم كابتن |سعيد عبد العزيز الحاجه

(علشانك ياقمر)
علشانك يا قمر
هطلعلك القمر
وهغزل على الجبين أسمك
وهرسم فى العيون رسمك
علشانك يا قمر
هخاصم النجوم
وبُحبك يا قمر
تتبدد الغيوم
ويحلالى معاكٍ السهر
لما يجافينى النوم
وعيونك يا قمر
فيها نظره لوم
أنا حُبى ليكٍ أنهمر
يملى جنبات الكون
وقلبى بيكٍ أتغمر
ميستحملش نظره لوم
وحبى ليك يا قمر
ماً يتحسب باليوم
ولو غبت يا قمر
هنوى خلاص الصوم
بقلم كابتن |سعيد عبد العزيز الحاجه

((قصيده غنائيه باللهجه العاميه)) .. ((وحشتينى))مع تحياتى ........؟حسن حفنى

((قصيده غنائيه باللهجه العاميه))
...............................................
((**وحشتينى**))
وحشتينى يا أحلى ما رأت عينى
وحشتينى تعالى بسرعه وداوينى
وحشتينى بحبك من زمان والله
وحشتينى ونار الشوق بتكوينى
...........................
يا قمرايه وبتنور لياليه
يا واخدانى وواخده كل ما ليه
يا سحرانى وفايته حيرتى ليه
تشاوريلى فى لحظه ياروحى تلقينى
,,,,,,,,,,,,,,,,,,,,,,,,,,,
وحشتينى يا أجمل نجم ف سماكى
وحشتينى وعين الله بترعاكى
يا ننى عيونى يسلم إللي سماك
يا ساكنه جوه احشايا وتكوينى
,,,,,,,,,,,,,,,,,,,,,,,,
شغلتينى يا أول حب ف حياتى
سكنتى شوقى وحنينى وآآهاتى
وببعتلك تحياتى وسلاماتى
يا شاغله كل أشعارى ودوواوينى
,,,,,,,,,,,,,,,,,,,,,,
ياخمريه يازهره فى جبل عالى
يا ورديه راضينى يا ضنى حالى
يا مولاتى يا دره والتمن غالى
انا شارى يا مالكه دنيتى ودينى
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
وحشتينى,,,,,,,وحشتينى,,,,,وحشتينى
مع تحياتى ........؟حسن حفنى