أي بنت من بنات العيلة
هيا بنتي
مهما كانت حلوة وحشة
بردة بنتي
دمها بيجري فى وريدي
لو عجزت هتاخد إيدي
لو كبرت تقول ياجدي
لو مالت بيها الدنيا
راح أخدها جوه حضني
وأدافع عنها بروحي
مهما كانت ساكنة قلبي
فى مشاكلها أبوها وكل أهلها
هيا بتقولي أنت سندي
البنت جناحها مكسور
لو حكمت أفديها بدمي
البنات القلب الطيب
شايل همها وشايله همي
البنت أنا أبوها وهيا أمي
لمسه واحدة من إيديها
بتشفي كل آلامي
حتى لو رافضة وجودي
بكرة تفهم أنها مني
واللي يحاول يقسيها
بكرة ترجع محتاجة حضني
أنا الضل اللي يحميها
لما حرارة الشمس تقسي
كل نظرة من عينيها
بتسعدني وتذيد فى همي
دايما قلقان عليها
أنا أبوها وهيا أمي
(((أسامه جديانه)))
