عيد ميلادي
........... ..... عاميه...
النهارده يوم جديد .
.بس عندي مش جديد
زي بكره او زى ذكره
مش حيفرق كله عادي
بس هما بيقولوا لي .عيد ميلادي
وانا بالنسبه لي شئ عادي
سنه بتروح وسنه تيجي
وحزني ده حظي مش بيدي
وفرحي وعدني راح ييجي
وطلع كداب
وهوه حلف لي ع المصحف
وكل كتاب....حشوف احباب
وإني حكون متهني
وعايش فرحه بتمني
واقول موالي وأغني
ولا أطبطب . ولا أدادي
وأفرح مره يوم العيد
بلبس جديد
واشوف ولدي بيلعب
والعلم في الأيد
يرفرف بين إديه وسعيد
واقول حريه يا ولادي
وأعيش إنسان في بلادي
وأفوق..في لحظه من تاني
ما بين دي دقيقه وثواني
ألاقي الحزن وألقاني
بنفس التوهه والتشريد
وييجي وليد
يهنيني على بعادي
يقول لي انسى ما تدقش
ده شئ عادي
ويوم ورا يوم ويعدي
يزيد بعدك على بعدي
ومن صدك ومن صدي
يتوه مني أمل نادي
وأشوف من هناك والإيد
يشاورلي والدموع بتزيد
أملي من بعيد لبعيد
يعزيني..
وناس تيجي تواسيني
وناس تيجي تهنيني
بيوم العيد
و بتقولي ده عيد وسعيد...؟
وانا بصرخ بعلو الصوت
ونفسي أوصي قبل ما أموت
أولادي وأحفادي....
يعيشوا العمر بكرامة
تمر الدنيا بسلامة
ودول زادك وزوادك
وفخرك يومها يا بلادي
وفخرك يومها يا بلااااادي
........... ..... عاميه...
النهارده يوم جديد .
.بس عندي مش جديد
زي بكره او زى ذكره
مش حيفرق كله عادي
بس هما بيقولوا لي .عيد ميلادي
وانا بالنسبه لي شئ عادي
سنه بتروح وسنه تيجي
وحزني ده حظي مش بيدي
وفرحي وعدني راح ييجي
وطلع كداب
وهوه حلف لي ع المصحف
وكل كتاب....حشوف احباب
وإني حكون متهني
وعايش فرحه بتمني
واقول موالي وأغني
ولا أطبطب . ولا أدادي
وأفرح مره يوم العيد
بلبس جديد
واشوف ولدي بيلعب
والعلم في الأيد
يرفرف بين إديه وسعيد
واقول حريه يا ولادي
وأعيش إنسان في بلادي
وأفوق..في لحظه من تاني
ما بين دي دقيقه وثواني
ألاقي الحزن وألقاني
بنفس التوهه والتشريد
وييجي وليد
يهنيني على بعادي
يقول لي انسى ما تدقش
ده شئ عادي
ويوم ورا يوم ويعدي
يزيد بعدك على بعدي
ومن صدك ومن صدي
يتوه مني أمل نادي
وأشوف من هناك والإيد
يشاورلي والدموع بتزيد
أملي من بعيد لبعيد
يعزيني..
وناس تيجي تواسيني
وناس تيجي تهنيني
بيوم العيد
و بتقولي ده عيد وسعيد...؟
وانا بصرخ بعلو الصوت
ونفسي أوصي قبل ما أموت
أولادي وأحفادي....
يعيشوا العمر بكرامة
تمر الدنيا بسلامة
ودول زادك وزوادك
وفخرك يومها يا بلادي
وفخرك يومها يا بلااااادي
ليست هناك تعليقات:
إرسال تعليق