حروف مجهولة بقلم / ‏مني فهمي‏.

حروف مجهولة

‏

** عشق الحياه **

الحلم ف حالة احتضار
ومن قلب ليلي
طلع النهار

شفت روحه ف المراية
بكيت
ودي بداية النهاية

همحي انا كل القديم
وادفن كمان مر السنين

لا عدت اقول قاتلني خوفي
ولا حتي كسراني ظروفي

هنسي خلاص
حيرة وااااااااااه
نقطة
وبداية حياة

ده حلمي واصل منتهاه
لسه بعيد منكرش اه

هتعب وهتحمل واعافر
ومش هقول الفرح سافر

هجري وادور ف كل ميناء
واخلي املي شراع سفينة

هبقي واكون
حلمي العفي
رفض السكون

واصبح انا المتجددة
علي كل شئ متمردة