يا هوا يا غايب
***********
يا هوا يا غايب
***********
يا هوا يا غايب
مع الحبايب
امتى هترجع
ده انا قلبى دايب
من الفراق
هما قالولك
ان البعاد
بيزيد الغلاوة
دى تبقى منك
خفة وشقاوة
والا انت طبعك
تقسى علينا
وتبكى عينينا
وما همك زعلنا
ولا راضى منا
بكلمة عتاب
ده حتى العتاب
امره عادى
بين الصحاب
ما بالك انت
باتنين حباااايب
يا هوا يا غايب
ارحم عذابى
وكفاية هجر
ده احنا حبايب
وكفاية منك
قلبى اللى دايب
مستنى يشوفك
بيحلم بطيفك
ده العمر عدى
م الانتظار
والقلب
مل من الاعتذار
وكل املى
اعوض ما فاتنى
فى قلب حضنك
وقلبى حاضنك
فى لذة وشقااااااااااوة
وبقربك حياتى تزداد حلاوة
ارجع يا غايب
وبلاش قساوة
وارحم سهادى
ده احنا
حبااااااااااايب
تامر ابوطالب
ليست هناك تعليقات:
إرسال تعليق