(صندوق الدنياااااا)
........................
تعالو بسرعة وإتفرجوا يابنات.
تعالو وشوفوا معايا الحكايات.
الراجل الجدع المعجبانى.
كان بيقول أنا سلطان زمانى.
كان بيدوب بكلامه قلوب البنات.
وتوه معاه عقول الستات.
بكلامه كان سكر نبات.
كلمة بحبك بيقولها ليهم بالكوم.
ولا همه نصيحة ولا لوم.
فيهم الحلوين وفيهم البوم.
..............................
عددهم كان حواليه بيزيد.
وشيطانه بيغنى ليه ويعيد.
يالا هل من مزيد.؟
وقلبه خلاص يابنات أقوى من الحديد.
.............................................
تعالو كملوا الحكاية يابنات.
كلام الحب على لسانه كتير.
بيفرقوا عليهم من غير تفكير.
وشاف معاهم نفسه أمير.
ولحياتهم كان ليهم أسير.
.................................
وتاه معاهم وراح منه الإحساس.
كلمة بحبك بيقولها لكل الناس..
راح طعمها وتاه بينهم وإنداس.
....................................
لحد ماظهرت فى حياته صبية.
تقول للقمر قوم أنا اللى عليا النية.
قالها إنتى حياتى ونور عنيا.
صدقته وقالت له إنت ليا .
أنسى معاك كل اللى بيا.
........................................
لكن ربنا كشفوا للصبية.
وعرفت عنه كل الأسية.
وشافت بعيونها الحلوين كل الأذية.
صرخت إستحالة تكون ليا.
.........................................
شالت عنه الستارة.
لاقيته حاوى وهما بيحركوه بدوبارة.
قال إنكشفت ياألف خسارة.
كان نفسى أتوب لكن النفس أمارة.
........................................
ندهتلى هناك النداهة.
مشيت للأسف وراها.
وتهت معاها فى متاهة.
لا عارف أرضها من سماها.
..........................................
عايزك ياحبيبتى ماتسيبينيش.
إزاى من غيرك أقدر أعيش.
خلينى بس جنبك ماتبعديش.
عارف إنك مجروحة ماتسامحيش.
لكن الدنيا من غيرك ماتساويش.
.........................................
قالت له أنا فى طريق وإنت فى طريق.
أنا منك فقت وإنت هتفضل غريق.
............................................
كنت عامل فيها جدع.
لكن الجدع مسيره بيقع.
......................................
تعالوا وأتفرجوا يابنات.
تعالو وشوفوا الحكايات.
...........................
بقلمى ياسمين محمد.
ليست هناك تعليقات:
إرسال تعليق