جرب تطلب
أطلب قلبي يجيلك
حبوا عالوجدان
ويتمني يكون أسيرك
ماهو بحبك هيمان
أطلب حبي يسكن قلبك
ويفرد شراعه على الشطئان
وينهل من بحر ودك
ماهو برده لودك ظمئان
أطلب ياحبيبي ومين أدك
واطلب مني عمري كمان
واسأل قلبي اللي بيحبك
عاشق لجمالك الفتان
كل منايا أسكن ظلك
وأكون زهرة فى البستان
وأطفي نار الشوق فى حضنك
واكون صاحي واعمل نعسان
لاجل ماأفضل دايما جنبك
وتطفي شوقي بالحنان
أطلب مشاعري تحن لك
بس أنت أفتح البيبان
أفتح لها بيبان قلبك
تسري فى وريدك والشريان
هتقولك ضمني بإحساسك
ولكل الكون تصدر بيان
أنها فازت بحبك
من بعد قضي ليالي سهران
(((أسامه جديانه)))
ليست هناك تعليقات:
إرسال تعليق