ليه ياقلبي بتبكي بحرقه
وأنت بتداري دموعك
كل شئ يهون مش فارقة
المهم تداوي جروحك
العيون شايفه وناطقة
وأنت بتداري حروفك
أصرخ قول دي النار حارقة
أقتل جواك سبب خوفك
أطرق على بيبان المحبة
خرج اللي كاتمه فى جوفك
دي الملامه والمعاتبه
هما اللي ذادوا من أنينك
والعيون برموشها كاتبة
كل حروف العشق فى عيونك
مش مطلوب غير الموافقه
تنزف ياقلبي حنينك
تنزف حنينك فى سحابة
تنثر قطرات فى قلوب محبينك
خلي شمس الحب ساطعة
شعاعها مرسوم علي جبينك
تعطي للقلوب دفعه
تتلقي مالمطر حنينك
تصبح دنيانا جنة
حب يسري فى وتينك
(((أسامه جديانه)))
ليست هناك تعليقات:
إرسال تعليق