فلسطين
بالحق بدنا نضلّ متحدين
سيف العدل يتقدم الفرسان
أرض المجد و المهد بفلسطين...
أم البطولة و أمّة العربان
للغد بدنا نكون منتصرين
بعون الشعب و بعونة الرحمان
راجع ع صهوة خيل ابن الدين
ابن الصلاح ع ساحة الميدان
ارضنا الوطن برواحنا ندافع
حجار و عصي و ولاد و مدافع
راية علمنا بأمجادنا نرافع
جوقة صلا بكناس وجوامع
ارض الرسل برواح لملايين
دم الشهيد امّاتنا بتبكي
صوت العويل تراباتنا بتشكي
بواب السما عم تحضن الشجعان
شباب الوفا عم تصرخ بإيمان
هبوا يا اهل الارض بشهادة
صدوا العدي و البغض بعبادة
خلوا السلام يعمّ متفقين
رامز عيد
11/10/2016
وافر التقدير و عاطر التحايا لمجلة انها كلماتي أنا على نشر شعري المتواضع و اخص بالشكر و التقدير الاستاذ الراقي Seif Ahmed
ردحذفكل الشكر والتقدير لحضرتك
ردحذف