قصيدة بعنوان...صهري ... بقلمي ملك الأصفر

قصيدة بعنوان...صهري ...
بقلمي ...
...............................
صهري يا نور العين غالي متل ابني ...
هديتك امانة كريمتي وفلذة كبدي ...
رعاها بحق الله وتوصى فيها خير ...
تا تبقى الغالي وتنول كل محبتي ...
صهري يا أحلى الناس ويا نجم عالي ...
ويا قلب كبير بيوسع كل الغوالي ...
إنت عقد ألماس ويا دهب غالي ...
بمحبتك بتنور سود الليالي ...
يلي رضينا دينك وخلقك وزوجناك ...
وبأبهى صورة جوا القلب رسمناك ...
خليك محافظ على هالصورة الجميلة ...
ياأغلى الحبايب ويا أطهرمن الملاك ...
نبينا قال استوصوا بالنساء خير ...
وأنا بوصيك لا تهينا ولا تحيجا للغير ...
خليك بهالدني إلها ستر وغطا ...
وحن عليها وجود بالحب والخير ...
أنت الكرم عالدرب وبالكرم بتجود ...
وكل شي حلو بهالدني عندك موجود ...
عندك أصالة ومحبة وسحر الورود ...
وخصال حلوة وجميلة بتزين الوجود ...
أنت الورد على إمو بالعطر يفوح ...
يهمس بأسرار الزهر وبالحب يبوح ...
أنت يا بلسم شافي ودوا للجروح ...
ويا نسمة هوى حلوة وبتنعش الروح ...
بدعيلك الله يمد عمرك ويبقيك ...
والخير كلو والرزق يعطيك ...
ويرفع مقامك ويعلي شأنك ويحميك ...
ويمدك بالإيمان والصحة يهديك ...
وتجي لعنا ونشيلك بقلوبنا ...
ونفرشلك هالأرض برموش عيوننا ...
ونقلك يا أغلى الأحبة عندنا ...
إنت السند وأنت خيمة عزنا ...
...................................
ملك الأصفر