انا خطوه ف سكه طويله انا لسه قليل الحيله
ومازال الحلم اللى عشقته بينور خلف الغيم
ومازال اﻷمل اللى صادقته بيصاحب نفس عليله
انا خطوه ف سكه طويله
إحساس الحب اللى ف بالى بيصارع فيا قضاه
وانا عايش ف الزمن الخالى بتصارع ويا حياه
والآمى تتدوب فى امآلى وتدوب قلبى معاه
بخطاوى تقيله هزيله انا خطوه ف سكه طويله
انا كل ما أملك اوراقى وميراثى حروف وكلام
مسجون فى مشاعرى واشواقى
وباتحرر فى الاحلام
وباحاول دايما وبالاقى
فى سطورى الف وسيله
انا خطوه ف سكه طويله
م س
ليست هناك تعليقات:
إرسال تعليق