انا نفسى اكون عفريت
متمرد عاعفاريت
سايح فى الارض براحتى
ولا باتعب م التنطيط
اطير فى الهوا واغوص
فى البحر اعوم بلبوص
افطر ويا السلاطين
واتغدى مع الكتاكيت
ياسلام لو اكون عفريت
افضل عايش بمزاجى
وبراحتى اروح ولا آجى
اسكن فى القصر العاجى
أو فى علبة كبريت
ياسلام لو اكون عفريت
اللى يشوفنى يتكهرب
يصرخ ويحاول يهرب
من خوفه مايلقاش مهرب
مايشوفش طريقه للبيت
ياسلام لواكون عفريت
اتشكل فى جسد بطه
وأظهر عل هيئة قطه
وفى قلب الحتت الضلمه
أطلع من جوه الحيط
ياسلام لو أكون عفريت
الناس تنسج إشاعات
م المغرب كله يبات
وانا عامل بالاصوات
حظر تجول ف الغيط
ياسلام لو اكون عفريت
م س
متمرد عاعفاريت
سايح فى الارض براحتى
ولا باتعب م التنطيط
اطير فى الهوا واغوص
فى البحر اعوم بلبوص
افطر ويا السلاطين
واتغدى مع الكتاكيت
ياسلام لو اكون عفريت
افضل عايش بمزاجى
وبراحتى اروح ولا آجى
اسكن فى القصر العاجى
أو فى علبة كبريت
ياسلام لو اكون عفريت
اللى يشوفنى يتكهرب
يصرخ ويحاول يهرب
من خوفه مايلقاش مهرب
مايشوفش طريقه للبيت
ياسلام لواكون عفريت
اتشكل فى جسد بطه
وأظهر عل هيئة قطه
وفى قلب الحتت الضلمه
أطلع من جوه الحيط
ياسلام لو أكون عفريت
الناس تنسج إشاعات
م المغرب كله يبات
وانا عامل بالاصوات
حظر تجول ف الغيط
ياسلام لو اكون عفريت
م س
ليست هناك تعليقات:
إرسال تعليق