قصيدة بعنوان ... الكسوة أحلى الحلوين ملك الأصفر

قصيدة بعنوان ... الكسوة أحلى الحلوين ...باللهجة العامية ... بقلمي ...
....................................
مبارح رحنا ع الكسوة
وتمتعنا بهواها
وع الشارع الرئيسي
أحلى جولة عملناعا
دخلنا على المحلات
عم تشعشع شفناها
واشترينا الحلويات
وبالطريق أكلناها
......................
صعدنا لفوق الجبل
والكسوة شاهدناها
عم تضحك لنا من بعيد
والمحبة هديناها
نزلنا ورحنا ع الكبري
وأحلى قعدة قعدناها
وفرحنا وغنينا كتير
وأحلى ضحكة ضحكناها
..........................
ونزلنا ع الطاحونة
عم بتدور لقبناها
وشفنا الكشك والبرغل
والقمح معباها
والكياس المليانة طحين
إيدين بتستلقاها
ورجال بهمة ونشاط
الله مبارك بعطاها
.....................
عملنا جولة بالبستان
وباقة ورد قطفناها
وسمعنا صوت العصفور
عم بيغني برباها
والصبايا حول العين
يا عيني ما أحلاها
والكسوة أحلى الحلوين
نحنا كلنا منهواها
.........................................
 ملك الأصفر