سيبي قلبك وارحلي
مش هَساومك يوم عليه
ياروح قلبي أطمني
قلبي حارس خاص ليه
قلبي راح يسكن جواه
طول غيابك ويراعيه
قلبي كان مشتاق لنبضه
كل لحظه يحن ليه
سيبي قلبك ليه تخافي
ليا أكبر حق فيه
في عيوني راح أشيله
ورموشي تداري عليه
ليا وياه عشره طويله
يخاف عليا وأخاف عليه
روحي ساكنه جوه قلبك
ليه عايزه تئسي عليه
ليه عايزه تحرميني منه
وقلبي دايما مشتاق إليه
سيبي قلبك وارحلي
مش هَساومك يوم عليه
((( أسامه جديانه)))
ليست هناك تعليقات:
إرسال تعليق