من بوح الصورة نداء الأرض رامز عيد

من بوح الصورة 
نداء الأرض

ولادي ع ضهري حملت و تمشيت
هربت الغضب و العفر بضلوعي
بادي بقهري وشقيت و تعزيت
حتى العفر ما بللو دموعي

مخالب سما عالفسد طليّت
يبسان خضر الزهر بفجوعي
حملت الزهر و المعدن و فلّيت
تركت الاسا و دمار مع جوعي

انا الام، الارض، روحي عطيت
الخير وعطيتو حصاد مجموعي
حرقتوا كياني تمنيت و ترجيت
تبقوا بقلبي النور و شموعي

هالارض انتو عالصفا ربيّت
خير المواسم طلّ بقشوعي
محيتوا البصيرة بالعمى صفيت
عتمة يبس جفيان بطلوعي

صرت الشبح و الظل و الياريت
ترجع حياتي ربوع ينبوعي
عجزان عمري بالختيرة صفيت
تردوا الوفا يا معدني المنصان
وخلوا الامانة تعود بربوعي

رامز عيد 
٢٥/٠٨/٢٠١٦