قصيدة باللهجة العامية الشامية ...
بعنوان ... بكلمة حلوة ... بقلمي ...
..................................................
بكلمة حلوة يا حبيبي
بتحلا الدنيا بعينية
بشوف العتمة صارت نور
ويرجع أحلى صبية
برسم عشفافي الضحكات
بيعلا صوت الغنية
وبرفرف متل فراشات
حلوه على نبع المية
...........................
بكلمة حلوة يا حبيبي
بسافر معك بالأحلام
ومنبعد سوى بهالكون
ومنعلي فوق الأنسان
برفرف مع سرب عصافير
وبحلق متل الحمام
وبصير متل الزهرة الحلوة
وبنطق بأحلى الكلام
.............................
بكلمة حلوة يا حبيبي
بتصير كل أيامي عيد
والدنيا بتضحك بعيوني
وبصير القلب سعيد
بقطفلك باقات الجوري
بخلي شموع الحب تئيد
ومنسهر أحلى سهرية
والفرحة بتكبر وتزيد
........................................
ملك الأصفر
ليست هناك تعليقات:
إرسال تعليق