بحلفلك بقلم الشاعر / عاطف بيومى

بحلفلك 👇
ان مفيش حد بحنانك
وان مفيش مخلوق ف طيبتك
او يشبه حتي جمالك
وانك انسانه نادره جدا
تمتلكى كل صفات العالم ....

العالم كله ده من حولك
حامل كتير من صفاتك
ولو كل الناس تشبه طبعك
كان أصبح العالم مسالم ....
مفهوش غدر ولا خيانه
مفهوش ظلم ولا اهانه
يحمل بس الوفا والامانه
وكل التقدير والاحترام ...
عالم مليئ بالحب الدافي
عالم مليئ بالصدق الوافي
عالم مليان عشق صافي
بالمختصر جنة الأحلام ....
يابخت اللى هيسكن قلبك
ويكون داره هو حضنك
وتكون وساده هى صدرك
ويصحي على رقه ابتسامتك
ويسمع من شفايفك الكلام ....
يا ملاك على هيئه بشر
يا عصفور ساكن الشجر
يا قمر محلى ليل السهر
يا أجمل حلم حققه القدر
يعيش العاشق بيه فى سلام ....
خديها مني انا حكمه
مش مجرد بس كلمه
انت للعاشق فضل ونعمه
تملى حياته بالشوق والغرام ...
مش هقدر اوصف كلامي
ياللى باسمك بيذيد الهامي
شعور صعب على قلمي
يوصفك يا كل حياتي
وتشهد عليا كتاباتى
وكل كلمه في عباراتى
انى اوصف كل ما فيكي
على مدار الايام .....؟