كان طريقك غير طريقي
بس اتقابلنا
وبقى في حاجات تجمعنا
وتقرب مابينا
جيتي جيتلك
النتيجة هي هي
بقيت بحبك
فماتصعبيش الموضوع عليا
كل اللي عايزه منك انك تفهميني
وتحسي بيا
وتحاولي برضو تعذريني
الحكاية من البداية جات غصب عني
من غير مااحس
حبك لقيته جواي شاغلني
حاولت ابعده عني لكن
دا كان خلاص
انتشر جوايا وبقاله اساس
كتير حاولت ابعد وانسى
وف كل مرة
كنت برجع بشوق زيادة عن كل مرة
كنت برجع بقلب مليان بالحنين
يقول لي مش هنساها لو فاتت سنين
آسف عشان مش هقدر اوفيلك بوعدي
مش هقدر انساكِ وهتفضلي جوه قلبي
هتفضلي حبيبتي وان كان مفيش
نصيب يجمعنا سوا
ومعاكِ اعيش
ليست هناك تعليقات:
إرسال تعليق