الكسوة الحبيبة ... بقلم / الشاعرة الكبيرة / ملك الأصفر

قصيدة باللهجة العامية ... بقلمي ...
بعنوان ... الكسوة الحبيبة ...
..................................................
الكسوة الحبيبة يا سهول مزروعة 
ويا جبال عالية للسما مرفوعة 
وبيوت عمرانة ومسيجة بالنور
تغني نشيد الحب بأصوات مسموعة 
و يا ناس قلوبها بالخير مليانة 
ووجوه مبتسمة وشفايف ضحكانة 
ويا سما بنجومها لليل عم تضوي 
وقمر بالعالي يحكيلنا حكاية 
........................... 
بحب الصبح فيك بيهل من بكير 
ونسمع همس الورد وزقزقة العصافير
ونشوف الشمس عم تشرق عليك 
بتصيري حلوة وأحلى من الحلا بكتير 
إنت العروسة مزينة بورود عطرية 
وإنت الأميرة متوجة بتيجان دهبية
إنت يا شموع الفرح عم تحترق بسرور 
و تشعشعي للحب بأنوار سحرية 
.........................
بحب الصبايا فيك عم تبتسم للنور 
وزهور بساتينك تهفهف بأحلى عطور 
ونسيم الهوى معطر بعطر الورد 
يغني موالو الحلو للدني مسرور 
من سحر عينيك أنا رح كحل عيوني 
ومن صدى صوتك نغمات مجنونة 
وبليلك الهادي شو بيحلى السهر 
مع نجوم السما وكلمات موزونة 
..............................................
ملك الأصفر