روح قلبى .. ونور عنيا - بقلم الشاعر الكبير - الشاعر منصور أبو قورة

روح قلبى .. ونور عنيا

رفرفى ..
بجناحك ..
فى سمايا
عيشى حياتك ..
ويايا 
ملكيش حبيب ..
سوايا
انا العاشق..
لهواك
مليش حبيب ..
سواك
شايل حبك ..
فوق جناحى
معطره ..
بزهر الأقاحى
ومهما كانت ..
جراحى 
قلبي وروحى ..
فداك

رفرفى وطيرى ..
ف الهوا
منت الحبيب
انت الطبيب ..
والدوا
وقلبى ..
بهواك ارتوى
رفرفى بقلبك ..
ف الهوى 
دورى ف السما 
شوفى القمر
سهران ..
ويا النجوم 
بيحكى ..
حكايا العاشقين
شاربين ..
من نهر الحنين 
دايبيين عاشقين 
زيي .. أنا

اسألى القمر .. 
قوليله 
مين علمك ..
السهر ..
ف عيون الحب ؟ !
ازاى سكنت ..
القلب ؟!
وعزفت ..
على أوتاره ..
ترانيم العشق 
والهيام
قوليله ..
ياقمر 
مين دلك ..
ع الغرام ؟!
والعتاب ..
والملام 
السهر .. ليلاتي 
والأحلام 
حروف .. 
الكلام 
مين علمك ..
ترسم ..
خطاوى الدلال ؟!
تزوق ..
طيفك ..
بسحر الخيال

طيرى ..
فوق الجبال 
والتلال 
واطوحى ..
ف حضن السهول 
واسألى ..
النخيل ..
سهران الليل
بيغزل غناويه 
على نول ..
النسيم العليل ..
يحن .. ويميل ..
للقلب العليل 
مشتاق ..
انا ..

طيرى وابعدى 
وارجعى ..
قربى ...
شرقى .. 
وغربى 
انزلى ..
واطلعى 
اتمتعى ... 
بحبى
وطبطبى ..
على قلبى
واعربى ...
كل كلمة حب ..
وده مطلبى 
وخلى بالك ..
فيه جمل خطيرة 
لاتتكهربى .. !!

اتعرقبى ..
وخليك شاطرة ..
وفاكرة ..
كل خطوة ..
ف سكة حبنا
كل .. مطوة ..
كات .. بتوزنا ..
كات عايزة تغزنا 
وتشرب .. دمنا 
خليك فاكرة ..
ان احنا 
منحنا ...
الهوى .. قلبنا
محدش قبلنا ..
عمل زينا ..
ده .. عشان ..
حبى ليك !!
وفرحة عنيك ..
تضمنا 
ولمسة ايديك 
آه ... منها ...
تيار كهربا عالى ..
بيزلزل اوتارى 
ويشل افكارى 
ويحدفنى بعيد 
وارجع من تانى
اقولك ..
طيرى وابعدى 
شرقى وغربى 
انا ليك ..
وانت ليا 
روح قلبى ..
ونور عنيا