( قررررب واتفررررج)
*************
يالا ياحلوين
*************
يالا ياحلوين
معايا سيرك كبير
إسمه الفيس الخطير
قررررب واتفررررج
على كل شكل ولون
العاقل والمجنون
وهتلاقي هنا صبايا
تحكيلكم الحكاية
قررررب واتفررررج
هاى، ممكن نتعرف
أهلاً وبيك نتشرف
ويعمل فبها واد فرفور
ويرسم ويحور ويدور
ممكن ليكي صورة
أكيد حلوة وقمورة
وتلاقي اللي عامل فيها فلانتينو
والبنات كتير حواليه عايزينه
واللي يلاقيها عاصية الماية والنار
يقلب فيها بوستات أشعار
حبيبتي كل حرف مكتوب ليكي
لتحسي بيا وحياة جمال عنيكي
وإللي يلاقيها أخداها جد
يوهمها بجواز ويهرب ساعة الجد
والغبية تستناه يوم ورا يوم
وتدعيله في صلاتها كل يوم
معلش حبيبتي كان ورايا أشغال
تعب وسهر بس قلبي ليكي ميااال
خلاص هانت ونعمل الخطوبة
ونبني بيتنا طوبة طوبة
وهو عاوز منها يطير
ويروح لغيرها وغيرها كتيييير
يتلكك ليها ويعملها حكاية
مين اللي بيعلقلك ده إنتي رواية
خلاص دبحتي قلبي إللي حبك
إبعدي ياخاينة وشاكيكي لربك
والهبلة هتموت نفسها من حزنها
وهو يضحك ويغني على إللي زيها
قررررب واتفررررج
وأدي إللي عامل فيها مخدوع
ويبكي ليها بصوت مسموع
متسيبنيش خليلي معايا
حبيبتي خانتني وهي معايا
تسمعه وتحن على حاله
وهو مع حبيبته عايش حاله
إوعي تبعدي عني ثواني
ده إنتي مليتي حياتي أماني
وهو عايش الدور
ومصدقة أنه معاها مسرور
وهو مع التانية
مبيضيعش ولا ثانية
وقاعدة لربها تدعيله
وهي من خيبتها تحكيله
قررررب واتفررررج
شوف الفيس الخطير
لسة جواه كتيييير
وأدي إللي ينزل بوستات إستغفار
ويجيلك على الخاص ولا الكفار
حبيبتي ممكن تشاركيني
حياتي وسنيني
ونقضيها في الطاعة
وتقولي سمعا وطاعة
إيه المطلوب مني
قربي بس مني
ووإهبي نفسك ليا
يااعز ماليا
بس ربنا مقلش كده
ياحبيتي فيه كده وكده
وتروح الصبية في خبر كان
مقلناها من زمان
على الأصل دور
وإبعدي عن إللي بيحور
قررررب واتفررررج
لسة معايا حكاوي
إسمع ولا كفاية غناوي
قبل ماأقفل السيرك وأمشي
مش كلنا زي بعضنا
فيه منا الحقيقة والخيال
فينا واقع وفيه أهو كلام بيتقال
فينا فعلا الموجوع
وبقلمه يصرخ صوته مسموع
وفينا إللي عارف ربنا
ويصون عهدنا وقلبنا
فينا إللي بيطبق إللي ناشره
ويخاف ربنا وشايفه
ولبنات الناس يخاف
التربية هي الأساس
وربنا قالها في كل زمان
وكما تدين تدان. .
بقلمي ياسمين محمد.
بقلمي ياسمين محمد.
ليست هناك تعليقات:
إرسال تعليق