قصيدة ... بعنوان ... غيبة وانتقاد ... بقلمي ... ملك الأصفر

قصيدة ... بعنوان ... غيبة وانتقاد ... بقلمي ...
..................................
حاطط عشفافي حراس
ما بدي إنتقد الناس
لكن هالعالم كلن
بينتقدوا حتى العطاس
يلي بقلبن بيقولوه
الإنتقاد على أصوله
بيعروا بعضن يا ناس
والمابينقال بيقولوه
....................
مره كنا بسهرية
قالوا إنها ودية
النميمة على أصولا
وحازت على درجة مية
وأنا ساكت ما عم بحكي
راسم ع شفافي ضحكة
وحتى الساكت ما بيخلص
قالوا عني ما بحكي
.....................
قالوا حكيلك شي كلمة
تا نعرف شو في بقلبك
الساكت بتخافو الناس
وضح مكنونةصدرك
تمتمت كلمة وتنتين
وبعدهم صرت ملبك
تركتن ورجعت عالبيت
وقلت لحالي مو جوك
....................
وبتفاجأ انن حكيوا
عليي ونتفوا ريشاتي
وحطوني بالمقلاية
وقالوا عني سويعاتي
وقالوا إني أناني والعيبة بفهماتي
وطلعوا هنن فهمانين
وأنا على نياتي 
........................................
 ملك الأصفر