الأحد، 26 فبراير 2017

*انين** بداية الحكايه #بقلمي_مني_فهمي

*انين**
بداية الحكايه
بتتولد ويانا صرخه
تهز جدران الحياه
وبعدها بنعيش ب ويل
موصول ب اااااااه
برانا مرسومه ابتسامه
وجوانا بركان هموم
بيهدر ب خوف
متغربين
والوحده تقتل ف النفوس
100 الف صوت
نجري ندور ع الطريق
وتنطفي شمعة شبابنا
وتسحبنا دوامة الظروف
وانكتب علينا نحزن
واترسم فوق الجبين
تجاعيد بتحكي ع السنين
تايهين
تقلت حمولنا
متسلسلين بقيد من نار
ب ننهار
و الحلق مرر
من اسي طعم الحكاوي
حتي الغناوي اتحرشجت
وسكتنا وبيحكي الانين
وسنين تمر
واحنا م الكسره نعاني
وجوانا سيل م الاسئله
والنهايه
الاماني مش ممكنه
متمكنه منا الظروف
وقتلت كمان احلي مافينا
واخر الحكايه
الهم كرمش ف الوشوش
وشيبنا خلاص قبل الاوان
احزان
باهته صورنا ع الحيطان
وصوت اذان
وياه عيون ب تبكي
وصوت يهمس
انتوا ف قلوبنا
مهما مرت الايام علينا
وفاتحه
واتقفل الكتاب
#قلم_ينزف_انين
#بقلمي_مني_فهمي
مرسلة بواسطة في

ليست هناك تعليقات:

إرسال تعليق

الاشتراك في: تعليقات الرسالة (Atom)