قصيدة عامية بعنوان ... يا حلوة... بقلمي ... ملك الأصفر

قصيدة عامية بعنوان ... يا حلوة... بقلمي ...
................................
قال لي:
يا حلوة الورد الجوري
عنا بالدار
فارع أغصانو الحلوة
وطارح أزهار
ولما طليتي قبالو
من حسنك غار
وجن الزهر على أمو 
فوق الأسوار 
...................
والبنفسج صار يهمس 
لزهر الفل 
الحلوة بحسنا وجمالا 
غطت ع الكل 
بنظرة عينيها عملت 
أزمة للكل 
حتى العصفور الشادي 
فوق الأشجار 
 ................... 
والبلابل غنتلك 
أجمل ألحان 
وعزفت موسيقى عذبة 
فوق الأغصان 
ويا حلوة اللي جمالك 
حلو و فتان 
بدي إكتب لعيونك 
أجمل أشعار 
...........................................
 ملك الأصفر