.......(فلاح هذار)..............(شعر)........ عبد الله السايح

........(فلاح هذار).......
فلاح وساب المفلحه
فلاح لمين
يلبس بروكه مريحة
وطقيته فين
ناقص له شوكه مسلحه
ومن اللغات كلمتين
وسلسله من فوق
رقبته مجرحه
زيي الهجين
وشفة عوجه متنحه
وخاتم شمال وخاتم يمين
فلاح دا ايه
وباع الارض ليه
وطلع عليه
عواد وباع المصلحه
والفاس يبيعها بمروحه
وع القهاوي الواد وغاوي
يزرع تقاوي
بس التقاوي مروحه
والزرعه خالصه متنحه
ويقول هالوا
ياخلق هوووووووه
فلاحنا طار
يالا' إلحقوه
باع أرضه بشوية قمار
على كل دار
بيقول شالوه
لا فلاحه طال
ولا له سؤال
في الارض مال
زربة عيال
عايزين جاتوه
الارض بور
لجل السكن 
حرق الزهور
باعها مباني
لجوز تهاني
جاي م الخليج
واقف طابور
كات أرض طينه
أحسن عجينه
تزرها قطن
تطرح طحينه
باع التراب بعد الهباب
ماحرقها لجل تكون حزينة
جرار بكام باع للعوام
كسب صحيح ابن اللئيمة
للارض باع فالح وضاع
سكك الخداع
فتح..... البهيمه
صرف الفلوس
باع التيوس
عاش الكابوس
ابن الحزينة
شغل مافيش
فلاح بريش
وعشان يعيش
راح اشتغل
من بعد نومه
عندالغريب
عايش كئيب
وفلوس في جيب
يادوب على
فيلم سيما
الأرض فين يافلاحين
بعتوا التراب 
وأكلتوا طين
كنا زمان دولة فلاحه
وف الزراعة طيبين
دي الوقتي احنا
احنا مين
يادوب في وسط الكون
نكون
مستهلكين ...
فلاح ألاجه بقى يشتري
بيض الدجاجه
أصبح سياسي
حسب المصالح
يبقى عاصي
الواد تناكه 
حسب اللكاكه
للارض باع
ويومين وجاع
أكل الحكاكه
من بدري يجري 
على بره مجري
يتهان ويرجع
لبلاده غجري
يعمل فتاكه
فلاح أراري 
كان جنب داري
يزرع يداري
رزقه بألاطه
يخساره باع
حبة لواع
ولبس قناع 
بياع بطاطا
.......(شعر)........
 عبد الله السايح